Umhverfis- og skipulagsnefnd

Kjartan Kjartansson sækir fyrir hönd K og K ehf um úthlutun lóðar að Grundarslóð 8. Fyrirhugað er að reisa þar 150-200 fm tveggja hæða einingahús úr timbri. Sjá meðfylgjandi upplýsingar.

Jón Kristinn Snæhólm, ásamt Probygg ehf, sækja um lóðirnar að Gilsbakka 3,5 og 7 á Arnarstapa og óska eftir því að lóðunum verði breytt í parhúsalóðir.

Tekið er fyrir erindið frá bæjarstjórn Snæfellsbæjar, dags. 12. apríl 2024. Á fundi bæjarstjórnar Snæfellsbæjar þann 11. apríl 2024 var tekið fyrir bréf Atla Más Ingólfssonar, lrl., dags. 6. mars 2024, varðandi ósk um staðfestingu landskipta á Dagverðará í Snæfellsbæ.



Bæjarstjórn samþykkti samhljóða að fela umhverfis- og skipulagsnefnd að gefa umsögn um erindið áður en bæjarstjórn tekur það til endanlegrar afgreiðslu.

RARIK óskar eftir byggingarheimild fyrir þremur nýjum spennistöðvum á lóðunum Hraunási 8 Hellissandi, Háarifi 8 Rifi og Hjallabrekku 9 Ólafsvík. Um er að ræða 10 m² hús og er þau sambærileg spennistöðinni sem stendur við hliðina á ráðhúsi Snæfellsbæjar. Til stendur að reisa stöðvarnar við hlið núverandi stöðva og verða þær tengdar kerfinu þegar reisningu er lokið. Með þessu fyrirkomulagi er verið að stytta straumleysi á svæðunum eftir fremsta megni og mun það einungis vara á meðan lagnir eru færðar yfir í nýju stöðvarnar. Vegna þess hversu litlar lóðirnar eru í dag er nauðsynlegt að gera breytingar á þeim þannig að fyrirhugaðar stöðvar falli innan lóðar. Einnig er óskað eftir að lóðaleigusamningar verði uppfærðir miðað við breytta stærð lóðar og þeim þinglýst. Aðaluppdrætti ásamt skráningartöflu verður skilað inn til byggingarfulltrúa á næstu dögum.

Vegagerðin sækir um framkvæmdarleyfi fyrir 37 metra langri nýrri sjóvörn við Keflavíkurgötu 23, Hellissandi. Áætlað grjótmagn er 1.060 rúmmetrar. Sjá meðfylgjandi útboðsteikningar.

Vegagerðin sækir um framkvæmdarleyfi fyrir 170 metra langri nýrri sjóvörn við Barðastaði í Staðarsveit. Áætlað grjótmagn er 2.520 rúmmetrar. Sjá meðfylgjandi útboðsteikningar

Miroslaw Stepinski sækir um stöðuleyfi fyrir 20 ft gám á lóð sinni að Snæfellsási 5. Fyrirhugað er að geyma í honum ýmislegt sem við kemur framkvæmdum á íbúðarhúsinu og lóðinni. Eftir að framkvæmdum líkur er áformað að nota gáminn sem bílskúr í nokkur ár.

Andri Freyr Ólason sækir um stöðuleyfi fyrir 10 ft fellihýsi að Grundarslóð 12 vegna útgerðar.

Ragnar G Guðmundsson sækir um stöðuleyfi fyrir hjólhýsi á Grundarslóð 12 vegna útgerðar.

Þorgeir Guðmundsson sækir um stöðuleyfi fyrir hjólhýsi að Grundarslóð 12 vegna útgerðar sinnar.

Lögð er til kynningar lokadrög samþykktar um meðhöndlun úrgangs í Snæfellsbæ.

Tillaga að nýrri gjaldskrá tæknideildar lögð fram.

- Heimagisting í Snæfellsbæ

Bréf frá bæjarstjórn, dags. 12. apríl 2024, tekið fyrir. Nefndin leggur til að bókun þessi verði send á þá aðila sem hafa gistileyfi á íbúðarsvæðum og fasteignasala á svæðinu.



- Eldriborgarafélag lýsir yfir áhuga á uppsetningu skiltis við hlið Hallarinnar, að Ólafsbraut 23, en skiltið er sambærilegt því sem er fyrir framan Gallerí Jökul.



Umhverfis- og skipulagsnefnd tekur jákvætt í erindið en óskar eftir nákvæmri staðsetningu og styrk frágangs skiltis.



- Mögulegar staðsetningar fyrir hleðslustöðvar í Snæfellsbæ ræddar.



Umhverfis- og skipulagsnefnd leggur til að fundnar verði lausnir til að hafa hleðslustöðvar ofarlega á Arnarstapa. Tæknideild falið að skoða fleiri möguleika milli funda í samráði við Rarik.



- Staðsetning skiltis við Bárð Snæfellsás á Arnarstapa rædd. Valið stóð milli tveggja valkosta. Nefndin er sammála um að valkostur A sé betri.